EK: Guete Morge Charly, Do hander mol en Entwurf vom Jobinserat. Textlich mussi no überarbeite, han eifach mol druflos gschribe. Inhaltlich isches wahrschindli zu 80% so. Was meint de HR Experte dezue? Ich erstelle dänn es Bewerbigs-Formular, woni gwüssi sache will abfroge und schomol chönne ussortiere öb de Bewerber zu üsne Wert passt oder nöd. Das isch dänn di gross frog wie dasi das usefinde…

CF: Ich has jetzt kurz aglueget. Nebst chline Änderige wo ich dir wür empfehle find ichs e mega guete Start. Ich ha nur nomol 1 wichtigi Frag als Erinnerig: Welles isch dini Wunschperson (Alter, Gschlecht etc.)? Chasch mir das nomol sege? Nachher seg ich dir wie ich das lese. Nach em Usschriebe luegmer d’Frage ah, ok?

EK: D’wunschperson isch 55i, wiiblich, hät en Maa wo de Hauptverdienscht heibringt und sie drum es chliners/flexibles Pensum chan aneh. I dem Alter hät sie au kei chlini Chind meh dehei wosi muss luege und hät jede Tag mol es Ziitfänschter zum mit de Kunde telefoniere.

Has jetzt mol online umgsetzt, aber ha nonö grad die perfekti Lösig. Wär no froh, um dini Inputs.

CF: Inputs zum Inserat

1. Ich finde das enart cool, aber nö für eui Wunschkandidatin: Bock auf einen spannenden Job? Meine Alternative: Wir suchen genau Sie/Dich!
2. Du hast das Zeug als Mitarbeiter:in Immobilienverkauf? Meine Alternative: Hast du Lust, mit uns Immobilien zu verkaufen?
3. Mitarbeiter:in Immobilienverkauf Meine Alternative: Mitarbeiterin Immobilienverkauf (w/m/d)
4. Das sind deine Aufgaben
5. Du bist der erste Kontakt für die Kaufinteressenten unserer Verkaufsmandate Meine Alternative: Als erste Kontaktperson empfängst du unsere Kaufinteressenten am Telefon
6. Selbständige Koordination der Besichtigungstermine mit den Interessenten Meine Alternative: Durchführen der Besichtigungen
7. Du bleibst in Kontakt mit den Interessenten und beantwortest allfällige Fragen
8. Nachführen der Interessenten-Datenbank
9. Du brennst für diesen Job? Meine Alternative: Brennst du mit uns?
10. Wir freuen uns auf deine Bewerbung per Bewerbungsformular. Meine Alternative: Wir freuen uns auf deine Bewerbung.

Da mol mini Idee als Input für dini Gedankegäng. Sobald du seisch ok, Stelleinserat staht machemer de nöchsti Schritt. Ok?

EK: So Charly ich han s’Jobinserat aapasst. Danke für dini Inputs, sind wertvoll gsi und vieli devo umgsetzt. De nächsti schritt wäri jetzt dasi es Bewerbigsformular mache mit gschickte Froge zum det scho chöne ussortiere. Kernpünkt sind folgendi:
Die Person muss guet uf fremdi Persone zuegoh chöne (natürlich und nöd verstellt überfründlich),Sie muss gnueg Flexibel sii, dass sie a 4 vo 5
Täg chan besichtigunge verifizierbare und vor allem au jede Tag chan Telefon und Mails vo Interessente beantworte.
(ein Tag chamer guet ufd Mailbox mitere aasag wiiterleite, dass sie a dem Tag nöd schaffed). Do gohts also drum chli di familiäri Situation usezgfinde. Öpper mit Schuelpflichtige Chind isch wahrschindli zwenig Flexibel für zum Besichtige durefüere. D’Besichtigunge münd aber definitiv nöd immer am Obig sii sondern am Tag dur. Das klapped guet, macht d’Melina aktuell au so. Es söll e längeri Aastellig sii, nöd en Studentejob, Wänns die Person bringt, gitz au d’Option, dass sie ganzi Mandat chan überneh inkl. Fotografie und Kundebetreuuig. Au administrativ chönnti die Person d’Broschürene
ufarbeite und de Verkauf vorbereite. Zerscht isch aber mol d’Besichtigunge z’überneh, de Rest chunnt dänn mit de wiitere Gschäftsentwicklig. Hettisch du mir do es paar gueti Inputs?

CF: Also ich weiss nö, wie fest du das wetsch automatisiere. Ich würs so eifach wie möglich halte und es MS-Forms neh. Will da bruchsch 1x oder so.
Möglichi Fragen.

• Erzählen Sie uns, wie Sie auf eine fremde Person zugegangen sind und der Person hilfsbereit waren.
• An welchen Tagen können Sie wie gut verfügbar sein, um Besichtigungen vor Ort zu organisieren?
• An welchen Tagen können Sie Telefonate entgegen nehmen und wann soll der Anrufbeantworter die Arbeit erledigen?
• Was gefällt Ihnen an der Immonilienbranche am besten?
• Was möchten Sie uns sonst noch mitteilen?
• Was ist ihr Wunschsalär und wo liegt ihre Schmerzgrenze?

EK: Salutti Charly, wegem Formular, söll ich s’Salär würklich abfrage? Isch das normal dasmer das abfrogt oder eher ungwöhnlich? Guet wärs ja fürd vorbereitig vom Gspräch… Und was sind no witeri Frage oder Aregige vo dir?

CF: Es chunt druf ah, wie effizient öpper wett rekrutiere. Ich wür de Link mitem
Bestätigungsmail mitsende. De Rekrutierigsprozess muss fûrs Unternehme stimme und nö, obs normal isch. Wann ist ihr frühstmöglicher Starttermin?

EK: Starttermin per sofort do simmer flexibel.

CF: Ja wetsch 1 Jahr uf Person warte? 😉

EK: Was für Dokument sölli abfroge? Läbenslauf pflicht, Motivationsschriibe optional, da sie das ja au im formular schribe chönnted.

CF: Wetsch viel Bewerbige? Wenn ja, Inserat uf Linkedin mit nur Lebenslauf. Wetsch gueti Bewerbige, denn mol afange mit Inserat uf de Website, Lebenslauf ufelade. Mol eifach mache und luege was so chunt. Ich denke, ihr werdet nö überschwemmt mit Bewerbige. Aber da lahmi gern tüsche.

EK: Sicher zerscht mol uf de Website und per whatsapp status streue. Viel Bewerbige wämmer nöd, mir münd die ja au abarbeite… Nomol wegem Frageboge und wo wie Bewerbigsunterlage ufelade oder zuesende. Söll dä Bewerber alles uf eimol ufelade und beantworte, grad im Formular?

CF: Ja chasch au grad det mache. Ich denke halt amel in Hürde. Wenn ich eifach cha de Lebenslauf ufelade und zägg, mach ich eher Bewerbig und denn chunt e Interaktion (Mail) wo ich chan Frage beantworte. Ich fühl mich Viel mehr abgeholt, als wenn ich alles uf eimol muss ufelade. Das fühlt sich für mich amel a, dass die gar kei Bewrbige wend, dass e Sone Wand ufefahret.
Weisch, das zeigt auch eui als Unternehme, eifach, handlich und möglichst schnell zemecho und prüefe obs passt. Uf so öpis häsch Bock. Uf e riese Hürde hetmer kei Bock.

EK: ja das isch es argument. Also demfall hetti 2 formular? s 1. wär nur Läbenslauf plus es Kommentarfäld. Dänn im Bestätigungsmail es zuesätzlichs Formular zum die Froge beantworte? s Thema isch, dass mir nöd viel Kapazität händ zum d Bewerbige z bearbeite, also simmer druf agwise, dasmer gwüssi sache scho vorher chönd abfroge und dann grad chönd ussortiere.

CF: Ja, das passt doch. Mit dene 2 Stufe chasch scho viel erfahre. Ich Hilfe eui sust denn mit. Wie abgmacht.

EK: Ich setze das mol uf und zeigders. Name vorname etc. mummer au abfroge? …sött ja im Lebenslauf stoh

CF: Ich wür das scho mache. D’Lüt schriebet ihre Name gern Ja setzen mol um und denn luegemers ah wies tuet.

EK: So charly ich mache s Formular schlank. Ich froge nur Name, Mail und Telefon ab, und zuesätzlichd ie Frog:
Was war der ausschlaggebende Punkt für deine Bewerbung auf dieses Jobinserat? Dänn CV, süstigi Dateie und es Kommentarfeld.

CF: Salutti, mach no die Apassige wo ich dir am Telefon gseit hat, nachher fegets findi guet.
Use und teile und mol luege was so gaht.

EK: Charly, ha no e Frog zu Sie und du. Mir händ ja d Du-Kultur. Heisst das,
dasmer s Jobinserat per du macht und auch interviews grad in Du?
oder isch zerscht per Sie und wänns de job dänn händ per du?

CF: Das isch jetzt genau eui Kulturfrag. Ich wür eui empfehlen, bi euie Wunschkandidatin mit per Sie afange und denn aber vielleicht grad am Telefon oder am 1 vg sofort proaktiv s’Du abüte. Ich mag das Sie nöme so, aber die Garde het da nochli meh das i sich no drin. Und das isch au scho e 1ti Möglichkeit e vertrauensvolli Brugg z’schlah zu dere Person, wenns grad bald mol abote wird.

EK: Dänn aber im jobiserat, formular und mail vorab per sie? Oder s Inserat per du und süss per sie?

CF: Wenn ich dich wär, wür ich alles du. Will enart wetsch es eifach, unkompliziert und authentisch.

EK: D Melina findeds ebe komisch vo afang aa per du, au will d zielgruppe ja 50+ sii söll… drum isch d frog öbmer alles per su macht oder erst spöter uf du wächsled resp. Am VG dänn grad froged wieses gern wännd.

CF: Ich mache das am liebste grad am.1 VG, will das schlaht e riese Brugg zu de Person, womer sich uf Angehörigen begegnet. Oder au am erste Telefon, wobi das chli Üebig und Muet brucht. Aber da ihr ja mit de Kunde zerst au sie sind, find ich das Vorgehe besser. Denn gsehsch grad, wie de Umgang isch und wie de Wechsel is du funktioniert oder nö. Will genau das passiert ja denke mit euine Kunde au.

EK: Alles klar. D.h. alli schrifte per du loh und am Gspräch oder Telefon begrüessig per sie und dänn grad froge öb s du au guet isch.

CF: Das isch doch e super Sach. Ich findes schön, wie ihr eui mit dene Frage genau usenandsetzet. Das isch sehr wertvoll. So chömmer sehr guet vorah.

EK: Danke Charly! Bin gspannt wasmer alles münd unterneh zum a bewerbige anezcho. Pfuus guet.

EK: Jeeeeaaahhh Charly – Hammer. Mir hend scho s’Erste Vorstelligsgspräch. Ich weiss gar nö genau, welli Frage ich no söll Frage. Hesch da Inputs?

CF: Ich schicke dir üse Fragekatalog zue. Ich find immer wichtig, die gmeinsami Brugg usezfinde. Was verbindet üs und chönti das en erste Afang üsere Zemearbet si.

EK: Hey Charly, wie gohts? Mir händ morn s 2. Gspräch mit de Bewerberi. Bisher gseht alles guet us. Was isch e wichtigi frog woni no sötti stelle? Was giz für lohbrechner zum de agmässni lohn usezfinde?

CF: Salutti Erich, das klingt doch super schön. Mega lässig. Wie zeme plant, wirds morn im zweite Vorstelligsgspräch konkret, wie chönti Salär, Entwickligsplan etc. usgseh und ihr tünd au grad d’Offerte unterbreite. Die bearbeitemer zeme. Ich machder ufgrund dine Agabe e 4-Schritte Entwicklig wo au grad s’Salär druf abgstumme isch. De chömmers nachher zeme bespreche.

EK: Danke Charly, super Service!

CF: Danke dir Erich, sehr gern. Ich freumi uf üse Ustusch nachher. Du lütisch eifach a, sobald alles gsichtet häsch.

Ich finde die richtigen Menschen, weil ich Recruiting mit Leidenschaft lebe. Für mich geht es nicht um Besetzen – sondern darum, Potenzial zu entfalten.

Charles Fürer – Feuer-Entfacher / Co-Founder INTRINSIC FIRE GmbH